Taıvannyń burynǵy prezıdenti qamaýdan bosatyldy
ASTANA. QazAqparat - Sybaılas jemqorlyq qylmysqa qatysty tutqyndalǵan Taıvanniń burynǵy prezıdenti densaýlyq jaǵdaıyna baılanysty qamaýdan bosatyldy.
Saıasatker neırodegeneratıvtik dertke shaldyqqandyqtan em-dom alý úshin bir aıǵa bosatylǵan, dep habarlaıdy Assoshıeıted press.
Basqa derekterge súıensek, jazasyn óteýshiniń densaýlyq jaǵdaıyn aı saıyn tekserip turý qajettiligine baılanysty qamaq merzimi shartty merzimge aýystyrylǵan. Túrmede 64 jastaǵy Chen Shýıbıannyń júregi syr bergen, uıqysy buzylyp, toryǵýǵa ushyraǵan, tipti óz-ózine qol jumsaýǵa áreket jasaǵan.
Chen el basqarǵan 2000-2008 jyldar aralyǵynda sybaılas jemqorlyq jasady degen aıyppen 2009 jyly jubaıymen birge sottalǵan.
Bastapqyda jaza merzimi 18,5 jyl bolǵan, keıinnen 20 jylǵa ulǵaıtyldy. Taıaý kúnderi sot para alǵany úshin bul merzimge taǵy bir jarym jyl qosty.
