Taıvanniń alǵashqy áıel prezıdenti qyzmetine kiristi
ASTANA. QazAqparat - Tsaı Inven resmı túrde Taıvan ákimshiligi basshysynyń qyzmetine kiristi. Áıel prezıdentti ulyqtaýdyń saltanatty rásimi Taıbeıde ótti.
Buǵan deıin ákimshilik basshysyn saılaý kezinde basqarýshylyq etken Gomından partııasy jeńilgenin moıyndady.
Oppozıtsııalyq Demokratııalyq progressıvtik partııanyń kóshbasshysy Tsaı Inven QHR basshylyǵy atynan Taıvan táýelsizdigin kúsheıtý úshin alǵa shyǵyp otyr. Sarapshylardyń pikirinshe, onyń saılanýy Taıbeı pen Beıjińniń qatynastaryn shıelenistirýi múmkin, dep jazady Bı-bı-sı.
59 jastaǵy Tsaı Inven kvo-statýsyn saqtaǵysy keletinin aıtsa da, ázirge Beıjińdegi bılikpen qatynastaryna qatysty baǵyty týraly sóz qozǵaǵan joq.
Sarapshylar Taıvanniń jańa basshysynyń Beıjińmen qatynasyn nasharlatqysy kelmeıtinin atap ótti, sebebi Taıvan eksportynyń 40-qa jýyq paıyzy qurlyqtyq Qytaıdyń úlesinde bolyp otyr. Budan basqa, aralǵa júzdegen qytaılyq zymyran baǵyttalǵan.
