Taıvandaǵy poıyz apaty: qaza tapqandar sany 48 adamǵa jetti
TAIBEI. QazAqparat – Hýalıan ýezindegi týnnel mańynda bolǵan poıyz apatynan qaza tapqandar sany 48-ge jetti, taǵy 118 jolaýshy aýrýhanaǵa jatqyzyldy. Qutqarý jumystary jalǵasýda, dep habarlaıdy QazAqparat TaiwanNews-ke silteme jasap.
Temirjol apaty Hýalıan ýeziniń aýmaǵynda taý týnneline kire beriste oryn alǵan. Taroko Express poıyzynyń segiz vagonynda 350 jolaýshy bolǵan. Aldyn ala málimetter boıynsha, poıyz eńisten tómen qaraı kele jatqan qurylys mashınasymen soqtyǵysqan. Saldarynan ekinshi jáne úshinshi vagon relsten shyǵyp ketken, týnnel qabyrǵasyna soǵylyp deformatsııalanǵan.
Qaza tapqandardyń kópshiligi sońǵy eki vagonnan tabyldy, dep habarlady Taıvan temirjol ákimshiligi. El úkimeti şuǵyl kómek ortalyǵyn qurdy.
Buǵan deıin Taıvandaǵy poıyz apatynan 36 adam qaza taýyp, 72 jolaýshy zardap shekkeni habarlanǵan bolatyn.
