Taıvandaǵy jer silkinisi qurbandarynyń sany artty
ASTANA. KAZINFORM – Taıvanda sońǵy 25 jylda bolǵan joıqyn jer silkinisi saldarynan kem degende toǵyz adam qaza taýyp, júzdegen adam jaraqat aldy. Bastapqyda tórt adam qaıtys bolǵany habarlanǵan, dep jazady Euronews.
Taıvannyń shyǵys jaǵalaýynda bolǵan 7,2 magnıtýdaly jer silkinisinen kem degende toǵyz adam qaza tapqany habarlandy. Ondaǵan adam iz-túzsiz joǵalyp ketkender qatarynda, júzdegen adam túrli dárejede jaraqat aldy.
Jergilikti ýaqyt boıynsha tańǵy saǵat segiz shamasynda bolǵan birinshi jer silkinisinen keıin ár túrli kúshtegi júzden astam tolqyn tirkeldi. Ol búkil aralda sezildi.
Taıvannyń shyǵysyndaǵy Hýalıan qalasynda birneshe ǵımarat qırap, izdestirý-qutqarý operatsııasy júrip jatyr.
20 mıllıonnan astam adam turatyn araldaǵy temirjol qatynasy toqtatyldy.
Jer silkinisi saldarynan sý tasyp, joldar men tonnelder búlingen.
Taıvan bıliginiń málimetinshe, bul jer silkinisi sońǵy shırek ǵasyrdaǵy eń joıqyn zilzala boldy. Ortalyq meteorologııalyq bıýro tsýnamı qaýpi týraly eskertý jasady.
Kóp jerlerde elektr qýaty men gaz toqtatyldy.
Jer silkinisi Shanhaıda, sondaı-aq Qytaıdyń ońtústik-shyǵys jaǵalaýynda ornalasqan birneshe provıntsııasynda sezildi.
Osyǵan deıin Taıvanda jer silkinisinen tórt adam qaza taýyp, 97 adam jaraqat alǵanyn jazǵan edik.