Taıvanda jer silkinisinen tórt adam qaza taýyp, 97 adam jaraqat aldy

ASTANA. KAZINFORM – Taıvandaǵy jer silkinisinen qaza tapqandar sany tórt adamǵa jetti, taǵy 97 adam zardap shekti.

Jergilikti BAQ habarlaýynsha, Taıvannyń shyǵysynda bolǵan kúshti jer silkinisi Qytaıdyń shyǵysyndaǵy birqatar provıntsııalarda anyq sezilgen.

Taıvandaǵy kúshti jer silkinisine baılanysty Qytaıdyń shyǵysyndaǵy temir joldardyń keıbir ýchaskelerinde poıyz qatynasy toqtatyldy.

Buǵan deıin habarlanǵandaı, Magnıtýdasy 7,2 bar jer silkinisi sársenbi kúni jergilikti ýaqyt boıynsha saǵat 07:58-de (Astana ýaqytymen 04:58) bolyp, búkil Taıvanda sezildi. 

Jergilikti seısmologtardyń málimetinshe, jer silkinisiniń oshaǵy araldyń shyǵys jaǵalaýynda, Hýalıan qalasynan ońtústik-shyǵysqa qaraı 25 shaqyrym jerde, oshaǵy 15,5 shaqyrym tereńdikte bolǵan.