Taıvanda tolassyz nóser jaýynnan 3 adam qaza tapty

ASTANA. KAZINFORM – Taıvanda birneshe kún boıy jaýǵan tolassyz nóser jaýynnan 3 adam qaza taýyp, 50-ge jýyq adam jaraqat aldy, dep habarlaıdy Report.az sheteldik BAQ-tarǵa silteme jasap.

– Ońtústik-batys aýa aǵynynyń yqpalynan Taıvannyń ortalyq jáne ońtústik óńirlerinde birneshe kún boıy nóser jaýyn toqtamaı jaýyp tur. Úsh adam qaza taýyp, 49 adam túrli jaraqat aldy, sondaı-aq iri apattar tirkeldi, - delingen habarlamada. 

Basylymnyń jazýynsha, keıingi jeti kún ishinde Pındýn ýeziniń taýly aımaqtarynda 2 000 mıllımetrden astam jaýyn-shashyn túsken. Bul joldardyń sý astynda qalýyna jáne kóptegen jerlerde kóshkinniń júrýine sebep boldy. Bılik 800-den astam adamdy evakýatsııalaǵan. Pındýn ýeziniń segiz eldi mekeninde 10 tamyzǵa deıin alty kúnge jumys pen oqý toqtatyldy. 

Sonymen qatar Gaosıýn qalasynyń keıbir bólikterinde bir kún ishinde 700 mıllımetrden astam jaýyn-shashyn túsken. Bul óńirden 3 100-den astam adam evakýatsııalandy. Meteorologııa basqarmasy Taıvannyń ońtústik taýly aımaqtarynda nóser jaýyn, naızaǵaı jáne qatty, ekpindi jeldiń jalǵasatynyn boljap otyr.

Aıta keteıik, buǵan deıin «Danas» taıfýny Taıvan aýyl sharýashylyǵyna 85 mln dollardan astam zalal keltirgenin jazdyq.