Taıvanda poıyz apatqa ushyrady: 36 adam qaza taýyp, 72 jolaýshy zardap shekti
TAIBEI. QazAqparat – Juma kúni tańerteń bolǵan jolaýshylar poıyzy men júk kóliginiń soqtyǵysýy saldarynan kem degende 36 adam qaza taýyp, 72 adam túrli jaraqat aldy, dep habarlaıdy QazAqparat Reuters agenttigine silteme jasap.
Taıbeı-Taıtýng marshrýty boıynsha baǵyt alyp bara jatqan ekspress poıyz Hýalıan ýeziniń soltústiginde relsten shyǵyp ketken.
Habarlama dereginshe, poıyz kóbine týrısterdi tasyǵan. Oqıǵa kezinde poıyzda shamamen 350-ge jýyq adam bolǵan.
Aldyńǵy tórt vagondaǵy 80-100 adam sátti evakýatsııalandy, basqa vagondarǵa jetý múmkindigin deformatsııa qıyndatyp otyr dep habarlandy.
Eldiń Ortalyq telegraf agenttiginiń dereginshe, apat turaqqa durys turmaý saldarynan poıyz jolyna qulap túsken júk avtomobılimen soqtyǵysý nátıjesinde bolýy múmkin.
Relsten shyǵyp ketken poıyzdyń janyndaǵy júk kóliginiń qaldyǵy sýretke túsirilgen.
Temirjol ákimshiliginiń málimetinshe, poıyzdyń aldyńǵy bóligi úńgirjoldyń tysqary betinde qalǵan.
Qazirgi kezde úńgirjoldyń ishki jaǵynda qalǵan jolaýshylardy qutqarý boıynsha jumystar júrgizilip jatyr.
Apat Tsınmın dástúrli merekesiniń qarsańynda boldy dep habarlanady.
