Taıvan jaǵalaýynda 5,6 baldyq jer silkinisi boldy
NUR-SULTAN. QazAqparat – Juma kúni Nur-Sultan ýaqytymen 05:36 Taıvan aralynyń Tynyq muhıtyndaǵy ońtústik jaǵalaýynda 5,6 baldyq jer silkinisi boldy. Bul týraly jerasty dúmpýin tirkegen Taıvanniń seısmologııalyq qyzmeti habarlady, dep jazady QazAqparat.
Zilzala epıtsentri Taıtýng qalasynan ońtústikke qaraı 121 shaqyrym jerde ornalasqan, tereńdigi - 28,8 shaqyrym. Terbelis Pıntýng jáne Taıtýng okrýgterinde de sezildi. Jer silkinisi saldarynan qaza tapqandar, ǵımarattardyń qıraýy nemese tsýnamı qaýpi týraly aqparat túsken joq.
23 mıllıonnan astam halqy bar Taıvan Shyǵys Azııadaǵy eń seısmologııalyq belsendi aımaqtardyń birinde ornalasqan.
