Taıvan vırýsqa baılanysty qytaılyq týrısterdiń kelýine tyıym saldy

TOKIO. QazAqparat – Taıvannyń ortalyq epıdemııaǵa qarsy komandalyq ortalyǵy koronavırýstyń órshýine baılanysty qytaılyq týrısterdiń qurlyqtan aralǵa kelýine tolyqtaı tyıym saldy, dep habarlaıdy QazAqparat Kyodo-ǵa silteme jasap.

Ortalyq sondaı-aq juma kúnnen bastap Gonkong nemese Makaoda bolǵan sheteldikterge de Taıvanǵa kirýge tyıym saldy. Biraq, Taıvan rezıdenti atanǵan sheteldikter aralǵa bara alady.

Qytaı, Gonkong nemese Makaoda bolǵan Taıvan azamattary 14 kún boıy úıinde qalýy kerek. 7 aqpannan bastap Taıvan aýmaǵyndaǵy Gonkong pen Makao turǵyndary da 14 kún boıy úıinen shyqpaýy tıis.

Budan buryn Taıvan jańa koronavırýsty 11 adamnyń juqtyrǵanyn habarlady.

Medıtsınalyq maskanyń tapshylyǵyna baılanysty komandalyq ortalyq beısenbi kúni ony satýǵa shekteý belgiledi, ıaǵnı bir adamǵa jeti kúnge tek eki betperde satylady.