Taıvan men Japonııada jer silkinisi boldy

ASTANA. KAZINFORM — Qytaı jer silkinisi jelileri ortalyǵy Taıvandaǵy Ilan okrýginde 6,6 magnıtýdalyq jer silkinisi boldy, dep habarlaıdy Sınhýa.

Ortalyqtyń málimetinshe, jer silkinisiniń oshaǵy soltústik endiktiń 24,67 gradýs jáne shyǵys boılyq 122,06 gradýs koordınattary boıynsha tirkelgen. Jer silkinisiniń oshaǵy 60 shaqyrym tereńdikte bolǵan.

Jer asty dúmpýleri Taıvannyń barlyq aýmaǵynda anyq sezilip, ǵımarattar qozǵalǵan. Ázirge aralda qurban bolǵandar, zardap shekkender jáne materıaldyq shyǵyn týraly aqparat túsken joq.

Sondaı-aq Japonııanyń Honsıý aralynyń ońtústik-shyǵysynda 5,1 baldyq jer silkinisi boldy.

Aldyn ala málimetter boıynsha jer silkinisiniń oshaǵy soltústik endiktiń 29,75 gradýsynda jáne shyǵys boılyqtyń 142,30 gradýsynda ornalasqan. Jerasty terbelisiniń oshaǵy 10 shaqyrym tereńdikte ekeni belgili boldy.

Eske salaıyq, apta basynda Almaty turǵyndaryna túnde jer silkinisi sezildi.