Taıvan mańynda magnıtýdasy 6,1 bolatyn jer silkinisi tirkeldi

ASTANA. KAZINFORM — Juma kúni tańerteń Taıvan aralynyń mańynda magnıtýdasy 6,1 bolatyn jer silkinisi boldy. Bul týraly Qytaıdyń seısmologııalyq jeliler ortalyǵy habarlady.

Onyń málimetinshe, 16 tamyz kúni saǵat 07:35-te Taıvandaǵy Hýalıan okrýgine jaqyn teńiz aımaǵynda magnıtýdasy 6,1 bolatyn jer silkinisi boldy.

Jer silkinisiniń koordınattary - 23,74 s.e. 121,95 sh.b.
Tereńdigi - 16 km.

Jer silkinisi Qytaıdyń ońtústik-shyǵysyndaǵy Fýtszıan provıntsııasynda da sezildi. Qurban bolǵandar men qıraýlar týraly aqparat túspegen.

Jergilikti BAQ-tyń habarlaýynsha, aldyn ala boljamǵa sáıkes, Taıvannyń shyǵys bóligi jer silkinisi qaýpi basym aımaq bolǵandyqtan, aldaǵy úsh kúnde 5,5 baldyq jerasty dúmpýleri qaıtalanýy múmkin.