Taıvan Qytaı terrıtorııasynyń ajyramas bóligi sanalatynyn málimdeımiz – Ózbekstan
ASTANA. KAZINFORM - Ózbekstannyń Syrtqy ister mınıstrligi Taıvanda ótken prezıdent saılaýyna qatysty málimdeme jasady.
Vedomstvodan atap ótkendeı, Ózbekstan tarapy Taıvanda ótken saılaýdy jáne jalpy jaǵdaıdy muqııat baqylap otyr.
«Biz «bir Qytaı» qaǵıdatyn qoldaımyz jáne Qytaı Halyq Respýblıkasynyń úkimeti - Qytaıdyń jalǵyz zańdy úkimeti, al Taıvan Qytaı terrıtorııasynyń ajyramas bóligi sanalatynyn taǵy da málimdeımiz. Ózbekstan eki jaǵalaý arasyndaǵy qatynastardyń beıbit rettelýin jáne QHR úkimetiniń Qytaıdyń birigýin júzege asyrý jónindegi barlyq kúsh-jigerin qoldaıdy», - delingen Syrtqy ister mınıstrliginiń málimdemesinde.
Eske salaıyq, buǵan deıin elimizdiń Syrtqy ister mınıstrligi Taıvandaǵy saılaý qorytyndysyna qatysty málimdeme jasap, Qazaqstan «Bir Qytaı» qaǵıdatyn qoldaıtynyn jetkizdi.
Sonymen qatar, mundaı ustanymǵa Ázerbaıjan da qosyldy. Ol eldiń Syrtqy ister mınıstrligi de óz málimdemesinde «bir Qytaı» saıasatyn qoldaıtynyn atap ótti.
