Taıvandyq sýretshi uıaly telefondardan avtomobıl qurastyrdy
ASTANA. QazAqparat - Taıvandyq sýretshi Lın Shı-Pao 25 myń eski mobıldi telefondardan Formula 1 kóligin qurastyryp shyqqan, dep habarlaıdy BBC.
Ol qoqystarǵa tastalǵan eski telefondardy jınaý úshin 4 jyl boıy álemdi aralaǵan. Nátıjesinde jınaqtalǵan mobıldi telefondardy kólik modeliniń qańqasyna japsyrǵan. Jobasyn júzege asyrý úshin Shı-Pao 30 myń dollar jumsaǵan.
"Meniń maqsatym - álemdegi ekologııalyq jaǵdaıdy jaqsartý. Men adamdarǵa qoqysqa tastalatyn zattardyń óner týyndysyna aınaldyrýǵa bolatynyn kórsetkim keldi. Ondaı qaldyqtardy qajetke jaratqan durys", - deıdi ol.
