Taıvandyq stýdenttiń kózin jyrtqysh bakterııalar jep qoıǵan
ASTANA. QazAqparat - Taıvanda jarty jyl boıy kózinen lınzasyn sheshpegen stýdent aýyr jaǵdaıǵa tap boldy. Osy ýaqyt aralyǵynda kóziniń ishki jaǵyna jınalǵan qaýipti bakterııalar qyzdyń kóz almasyn jep qoıǵan. Oftalmologtar kóz lınzasyn paıdalanýshylarǵa qarapaıym gıgıenany saqtaýdy umytpaý kerektigin eskertedi, dep habarlady Daily Mail.
23 jastaǵy Lıan Kao erinshektiginen osyndaı kúıge dýshar bolǵan. Dárigerler birinshiden, lınzany túnde arnaıy eritindige salyp, únemi tazartyp otyrýǵa, ekinshiden, jýynǵan kezde mindetti túrde sheship qoıýǵa keńes beredi. Al Lıan bul qaǵıdalardyń eshbirin saqtamaı, lınzany jarty jyl boıy sheshpegen. Saldarynan onyń ishki betinde mıkrobtardyń taralýyna qolaıly orta qalyptasqan.
Kózi kórmeı qalǵan Lıan Kaoǵa dárigerler sırek kezdesetin akantamebtik keratıt degen dıagnoz qoıdy. Bul aýrý birneshe jyldar boıy damıdy, adam ony asqynǵan kezinde bir-aq sezedi.
«Lınza paıdalanýshylar kózildirik kıetinderge qaraǵanda, túrli aýrýlarǵa beıim bolady», - dedi Lıandy emdep jatqan Taıbeı aýrýhanasynyń bas oftalmology.
