Taıvandaǵy jer silkinisinen qaza tapqandar sany 14 adamǵa jetti
ASTANA. QazAqparat - Taıvandaǵy jer silkinisinen qaza tapqandar sany, sońǵy málimet boıynsha, 14 adamǵa jetti, dep habarlaıdy VVS agenttigi. Jer silkinisinen eń qatty zardap shekken - Taınan qalasy. Onda birneshe kópqabatty úıler qulaǵan.
30-ǵa jýyq adam úıindiniń astynda qalyp qoıǵan. Apat saldarynan zardap shekkender sany 500-ge jetip otyr.
Aıta keteıik, Taıvandaǵy 6,4 baldyq jer silkinisi jergilikti ýaqyt boıynsha saǵat tańǵy tórt shamasynda oryn alǵan. Ol kezde turǵyndardy basym bóligi úılerinde bolatyn. Alǵashqy dúmpýden keıin taǵy bes ret jer silkindi. Osyǵan deıin bul aımaqta magnıtýdasy 7,6 bolatyn iri zilzala 1999 jyly bolǵan. Tabıǵı apattan 2,3 myńnan asa adam kóz jumǵan bolatyn.
