Taıvandaǵy jer silkinisi kezinde bir adam qaza taýyp, 140-tan astam adam jaraqat aldy

BEIJІŃ. QazAqparat - Jeksenbi kúni Taıvanda bolǵan 6,9 magnıtýdaly qýatty jer silkinisinen bir adam qaza taýyp, 142 adam zardap shekti, dep habarlaıdy QazAqparat menshikti tilshisi The Paper basylymyna silteme jasap.

Qýatty jerasty dúmpýi búkil aralda sezildi. Apat saldarynan birqatar ǵımarat qulady, eki kópir zaqymdaldy, poıyz relsten shyqty. Elektr qýatyn berýde irkilister baıqaldy. Dúısenbide Taıvan aralyndaǵy Hýalıan jáne Taıdýn birqatar eldi mekenderi men ýezderinde mektepterde sabaq toqtatyldy.

Buǵan deıin habarlanǵandaı, senbi kúni keshke Taıvanda bolǵan 6,5 baldyq jer silkinisinen keıin 100-den astam aftershok tirkeldi. Jerasty dúmpýleri Taıvan buǵazynyń arǵy betinde ornalasqan Fýtszıan, Chjetszıan jáne Gýandýn provıntsııalarynda sezildi.

Qurlyqtyq BAQ-tyń habarlaýynsha, 1999 jyly 21 qyrkúıekte Taıvanda araldaǵy eń joıqyn jer silkinisteriniń biri boldy, magnıtýdasy 7,6. Sol kezde 2,4 myńǵa jýyq adam qaıtys boldy, 11 myńnan astam adam zardap shekti. Tabıǵı apattan ekonomıkalyq zalal 9,2 mıllıard dollardy qurady.

Foto: thepaper.cn