Taıvandaǵy daýyldan 100-den asa adam zardap shekti
ASTANA. QazAqparat - Taıvanda «Nesat» tropıkalyq daýylynan 100-den astam adam zardap shekti. Aýa raıyn boljaý qyzmeti tabıǵat apatynyń taǵy da qaıtalanýy múmkin ekendigin eskertti, dep habarlaıdy BELTA.
Tabıǵattyń tosyn minezinen 520 myń úı jaryqsyz qalǵan. Osyǵan baılanysty memlekettik mekemeler men mektepter jabylyp, araldardan ushatyn áýe reısi keıinge shegerildi. Mundaı daýyl sońǵy 50 jylda alǵash ret qaıtalanyp otyr.
Sondaı-aq turǵyndar jelmen birge kelgen nóserden laı kóshkini júrip, taýly aımaqtaǵy aýyldar baılanyssyz qalýy múmkin dep alańdap otyr. Al uıytqyǵan jel saǵatyna 180 km/s soǵyp tur. Kóptegen aýdandardy sý basty.
Apattan eldiń 12 myń turǵyny qaýipsiz aýmaqqa kóshirildi. Oǵan 9 myń ásker jumyldyryldy.
