Taıvandaǵy alapat daýyl (VIDEO)

ASTANA. QazAqparat - Taıvanda bolǵan alapat daýyl úsh adamnyń ómirin qıyp ketti. Qatty jel tipti bir adamdy ashyq teńizge alyp ketken.

Sońǵy málimetterge qaraǵanda, tabıǵı apattan úsh adam mert bolyp, 140-y jaralanǵan. Jyldamdyǵy saǵatyna 240 shaqyrymǵa jetken jel úılerdiń shatyrlaryn ushyryp, aǵashtar men elektr baǵanalaryn qulatqan. Qazirdiń ózinde 520 myń otbasy jaryqsyz otyr.

Taıvan bıligi 15 myń adamdy qaýipsiz jerge kóshirdi. Joıqyn daýyl saldarynan týyndaǵan sý tasqynyna qarsy kúreske 3 myń sarbaz jumyldyryldy.