Taıvanda ushaq apatynan qaza tapqandar sany 12 adamǵa jetti
ASTANA. QazAqparat - TransAsia Airways áýe kompanııasy ushaǵynyń qulaýy saldarynan qaza tapqan adamdardyń sany 12-ge jetti, dep habarlaıdy Taıvan eliniń Ortalyq aqparattyq agenttiginen.
BAQ málimetterinshe, Taipei Songshan Airport áýejaıynan Tszınmen arhıpelagyna qaraı ushqan ATR 72 ushaǵy kópirge tıip, Tszılýn ózenine qulady. Onyń ishinde 53 jolaýshy men ekıpajdyń bes múshesi boldy. Jolaýshylardyń arasynda eki bala bolǵan.
Ázirge zardap shekken 16 adamnyń taǵdyry týraly ǵana belgili, taǵy 30-dan astam adamnyń jaı-kúıi belgisiz - olar ushaqtyń ishinde qalǵan, keıbir jolaýshylar oqıǵadan keıin jaǵaǵa ózderi jetken.
Budan basqa, ushaqtyń synyqtary taksı kóligine túsip, sonyń saldarynan taǵy eki adam zardap shekken, dep jazady RIA Novostı.
