Taıvanda turǵyn úıde órt shyǵyp, 46 adam kóz jumdy

BEIJІŃ. QazAqparat – Beısenbi kúni Taıvannyń Gaosıýn qalasyndaǵy turǵyn úıde órt shyǵyp, saldarynan kem degende 46 adam kóz jumǵan, ondaǵan adam jaraqattar alǵan. Bul týraly Sınhýa agenttigi málim etti, dep habarlaıdy QazAqparat.

14 qazanǵa qaraǵan túni Taıvannyń Gaosıýn qalasyndaǵy kópqabatty ǵımaratta kúshti órt tutandy. Tótenshe jaǵdaı saldarynan kem degende 46 adam kóz jumyp, 41 adam jaraqattar aldy. Jergilikti BAQ-tyń habarlaýynsha, kópfýnktsııaly ǵımarat 40 jyl buryn salynǵan, apat kezinde onda 140 adam turyp jatqan.

Qutqarýshylar iri órtti aýyzdyqtady. Qazirgi kezde TJ sebebin anyqtaý maqsatynda zertteý júrip jatyr.