Taıvanda sapasyz tamaqqa salyq salynbaqshy
ASTANA. Jeltoqsannyń 23-i. QazAqparat - Taıvan úkimeti sapasyz tamaqqa salyq salýdy engizýdi kózdep otyr. Mundaǵy maqsat - halyqtyń tolyqqandy tamaqa jáne shaqtap tamaqtanýǵa degen sanasyn oıatý, osylaısha semizdik aýrýyn tómendetý. Mundaı salyq túri álemde ázirge esh jerde qoldanylǵan emes,
dep habarlaıdy QazAqparat AFP saıtyna silteme jasap.
Taıvandyq densaýlyqty ýaǵyzdaý bıýrosy sapasyz azyq-túlik ónimderine, quramynda qanty bar sýsyndarǵa, fast-fýdtarǵa, kondıterlik buıymdarǵa jáne alkogolge arnaıy salyq salynatyn zańnama jobasyn ázirleýmen aınalysýda.
Bıýro dırektory Chıý Shýtıdiń (Chiou Shu-ti) aıtýynsha, zańnama jobasy parlamenttiń qaraýyna 2010 jyly engiziledi jáne 2011 jyly kúshine enýi múmkin. Ázirge álemniń birde-bir elinde mundaı zańdardyń jobalary jasalǵan emes.
