Taıvanda órt saldarynan 9 adam qaza taýyp, 44 adam jaraqat aldy
TAIBEI. QazAqparat – Taıvanda 13 qabatty ǵımaratta bolǵan órt saldarynan 9 adam qaza taýyp, taǵy 44 adam jaraqat aldy, dep habarlady QazAqparat araldyń AR aqparat agenttigine silteme jasap.
Ǵımarat túngi saǵat 3 shamasynda órtendi, dep habarlady Naosıýn qalasynyń órt qyzmetkerleri. Beısenbi kúni tańerteń órt sóndirýshiler izdeý-qutqarý jumystaryn bastady.
Órt sóndirildi. Jalyn saldarynan ǵımarattyń kóp qabaty qatty zardap shekken.
Ottyń tutaný sebebi ázirge belgisiz.
Ǵımarattyń salynǵanyna 40 jyl bolǵany atap ótilýde. Onyń tómengi qabattarynda dúkender, al joǵaryda – páterler ornalasqan. BAQ málimetinshe, ǵımaratta 100-den astam adam turyp jatty.
