Taıvanda qýatty jer silkinisi boldy
ASTANA. Naýryzdyń 4-i. QazAqparat - Taıvan aralynda, Taıdýn qalasynan soltústik-shyǵysqa qaraı 35 shaqyrymdaı jerde 6,4 baldyq jer silkinisi boldy,
dep habarlaıdy «RIA «Novostı» agenttigi AQSh-tyń Geologııalyq qyzmetine silteme jasap.
Zilzalanyń kindigi 35 shaqyrymdaı tereńdikke oryn alǵan. Ázirge oqıǵa bolǵan aımaqtan qurbandar men qıraýlar týraly eshqandaı málimet túsken joq. Tsýnamı qaýpi týraly da eskertý jarııalanǵan joq.
Taıvan araly eki tektonıkalyq taqtanyń túıisken jerinde ornalasqan jáne ǵalamshardaǵy eń seısmıkalyq belsendi aýmaqtyń biri bolyp tabylady. Eń qýatty zilzala - 7,6 baldyq jer silkinisi aralda 1999 jyldyń qyrkúıek aıynda bolyp, 2,4 myńdaı adamnyń ómirin qıǵan edi.
