Taıvanda bir túnde 26 jer silkinisi boldy
ASTANA. QazAqparat - Taıvannyń ótken túnde birden 26 jerasty dúmpýi tirkelgen shyǵys bóliginde joǵary seısmıkalyq belsendilik baıqalyp otyr. Bul týraly araldyń ortalyq meteorologııalyq basqarmasynyń dırektory Sın Tszaıtsın habarlady.
Onyń aıtýynsha, magnıtýdasy 5,6 eń qýatty jer silkinisi 27 sáýirde bolǵan. Onyń oshaǵy Tavanniń soltústik-shyǵys jaǵalaýyndaǵy Hýalıan jáne Ilan ýezderi túıisken jerde ornalasty. Bul aımaqta magnıtýdasy 3,6-dan 4,5-ǵa deıin jerasty dúmpýleri jalǵasyp otyr.
Túnde sondaı-aq Taıdýn ýeziniń aýmaǵynda magnıtýdasy 5,5 bolǵan taǵy bir iri jer silkinisi tirkeldi. Zardap shekkender men materıaldyq shyǵyn týraly málimetter kelip túsken joq, dep habarlaıdy TASS.
23 mln. halqy bar Taıvan araly Tynyq muhıtynyń túbindegi iri tektonıkalyq jaryqtyń qasyndaǵy seısmıkalyq belsendi aımaqta ornalasqan. Onda jer silkinisteri jıi bolyp turady.
6 aqpanǵa qaraǵan túni Taınan arnaıy mýnıtsıpalıtetinde magnıtýdasy 6,4 bolǵan jerasty dúmpýiniń saldarynan birneshe ǵımarat opyrylyp qulady. Onda 117 adam qaza tapqan. Olardyń derlik barlyǵy qulaǵan 17 qabatty úıdiń turǵyndary edi.
