Taıvanda áıelder týflıi pishininde shirkeý salyndy (FOTO)
ASTANA. QazAqparat - Taıvanda ertegidegi Kúlshe qyzdyń hrýstal týflıine uqsas ǵımarat salyndy. Bul - shirkeý, dep jazdy moya-planeta.ru.
Nysannyń bıiktigi - 16,7 m, eni - 10 m. Ǵımarat kók shynynyń 320 bólshegi jumsalǵan. Qurylys 686 000 dollarǵa salynǵan. Shirkeý 8 aqpanda, Qytaı jańa jyly toılanǵan kezde ashylmaq.
Bılik ókilderiniń sózine qaraǵanda, shirkeý jıi paıdalanylmaıdy. Munda neke qııý rásimi ótkizilip, toıǵa deıingi sýretke túsý saltanatty sharalary ótedi. Bılik osylaısha týrıstterdi qyzyqtyrýdy josparlap otyr.
Shirkeý ıntereri qyzdarǵa arnap qurastyryldy. Munda ǵashyq jandarǵa arnalǵan oryndar bolady, sonymen birge, kelýshilerge pechene men tort usynylmaq.
Shirkeýdiń erekshe pishini tarıhqa baılanysty. 1960 jyldary Taıvanda tegi Van esimdi 24 jastaǵy qyz bolǵan. Ol «qara taban» aýrýynan zardap shekken. Onyń aıaǵyn kesýge májbúr boldy, sol sebepti toıy da bolmady. Ol ómir boıy kúıeýge shyqpaı, shirkeýde qalǵan. Týfelka-ǵımaraty soǵan arnalǵan, dep habarlady BBC.
