Taıvanda avtobýs aýdarylyp, 30-ǵa jýyq adam qaıtys boldy
ASTANA. QazAqparat - Taıvanda eksýrsııaǵy shyqqan adamdardy tasymaldap kele jatqan avtobýs aýdarylyp, keminde 28 adam mert boldy. Bul týraly 13 aqpan kúni Taıvannyń ortalyq aqparat agenttigi qutqarýshylarǵa silteme jasap habarlady, dep jazady lenta.ru.
Jol-kólik oqıǵasy jergilikti ýaqyt boıynsha saǵat 21-00-de Taıbeı qalasyna jaqyn aımaqta boldy. Avtobýsta 44 adam bolǵan jáne olardyń basym bóligi jergilikti fermalardyń birine gúl jaıǵan shıe jemisiniń aǵashyn tamashalaý úshin bara jatqan.
Osyǵan deıin 17 adamnyń mert bolǵany týraly habarlandy.
Qutqarýshylar oqıǵa ornyna shuǵyl jetti, alaıda ol ýaqytta kóp adamnyń denesi jansyz qalǵan edi. Olar aman qalǵan azamattarǵa kómek kórsetýde. Oqıǵa ornynda jedel qyzmet ókilderi jumys istep jatyr.
Polıtsııa apattyń oryn alýyna júrgizýshiniń jyldamdyqtyń shekten tys jedeldetýi sebep bolýy múmkin degen boljam aıtyp otyr. Alaıda, resmı aqparat joq.
