Taıvanda 6,9 baldyq jer silkinisi boldy
ASTANA. QazAqparat - Jeksenbi kúni Taıvanda 6,9 baldyq jer silkinisi boldy. Bul týraly Sınhýa agenttigi Qytaı seısmologııalyq ortalyǵynyń málimetterine silteme jasap habarlady.
Agenttiktiń habarlaýynsha, jergilikti ýaqyt boıynsha 14:44-te Taıvan aralynda 6,9 baldyq jer silkinisi tirkelgen. Jer silkinisiniń oshaǵy Hýalın ýezinde ornalasqan. Tereńdigi - 10 km.
Zardap shekkender týraly aqparat túsken joq.
Buǵan deıin habarlaǵanymyzdaı, senbi kúni keshke Taıvan aralyndaǵy Taıdýn ýezinde 6,5 baldyq jer silkinisi boldy. Jeksenbi kúni jergilikti ýaqyt boıynsha 13:22-de Taıvan meteorologııalyq agenttigi negizgi jer silkinisinen keıin 60-tan astam jer silkinisin tirkedi.
Sınhýa agenttiginiń habarlaýynsha, senbi kúni bolǵan jer asty dúmpýleri saldarynan okrýgtiń keıbir turǵyn aýdandarynda elektr qýaty sóndirilgen. Gaosıýn qalasynda metropolıten jumysy tolyǵymen toqtatyldy.
Foto: www.aa.com.tr
