Taıvanda 6,5 magnıtýdaly qýatpen jer silkindi
BEIJІŃ. QazAqparat – Senbi kúni keshke Taıvanda 6,5 magnıtýdaly qýatpen jer silkindi, dep habarlaıdy «QazAqparat» HAA menshikti tilshisi Qytaı seısmologııa ortalyǵyna silteme jasap.
Málimetke sáıkes, senbi kúni jergilikti ýaqytpen saǵat 21:41-de Taıvan aralynyń ońtústik bóliginde jer silkindi, magnıtýdasy – 6,5.
Zilzala oshaǵy Taıbeı qalasynan 220 shaqyrymnan astam jerde ornalasty. Tereńdigi – 10 shaqyrym.
Negizgi dúmpýden keıin magnıtýdasy azyraq birneshe aftershok tirkeldi.
Jergilikti BAQ-tyń habarlaýynsha, qatty jerasty dúmpýi Taıvan aralynyń búkil aýmaǵynda, sondaı-aq Taıvan buǵazynyń ózge jaǵalaýynda ornalasqan Fýtszıan, Chjetszıan jáne Gýandýn provıntsııalarynda baıqaldy.
Qıraýlar men zardap shekkender týraly málimet túspegen.
