Taıvan bankomatynan mıllıondar jymqyrǵan sheteldikter ustaldy
ASTANA. QazAqparat - Aqsha «First Bank» bankiniń bankomatynan alynǵan. Taıvan polıtsııasy birqatar bank mashınalarynyń kompıýterlik júıesin buzyp, eki mıllıon AQSh dollaryn urlady dep kúdikke ilingen 16 sheteldiktiń úsheýin ustaǵanyn habarlady, dep jazady VVS agenttigi.
Hakerlik baǵdarlama kómegimen urylar atalǵan banktiń 10 bankomatynan 80 mıllıon taıvan dollaryn (2 mıllıon AQSh dollary) alǵan.
Jergilikti restoranda ustalǵan kúdiktilerdiń biri Latvııa azamaty bolyp shyqty.
Onyń eki rýmynııalyq sybaılasy qonaq úıde ustaldy.
Polıtsııa kúdiktilerden urlanǵan aqshanyń jartysynan astamyn tapqanyn habarlady.Jáne qalǵan kúdiktiler - Reseıdiń eki azamaty jáne basqalary Taıvannan ketip úlgergenin málimdedi.
Olardyń bankomattyń baǵdarlamalyq qamtamasyz etý júıesine qalaı engeni ázirge belgisiz.
