Taısoıǵanda kómirsýtekterdi izdeý jumystary júrgiziledi

ASTANA. KAZINFORM – Atyraý oblysy Qyzylqoǵa aýdanynyń Taısoıǵan ýchaskelerinde kómirsýtekterdi izdestirý boıynsha barlaý jumystary júrgiziledi. Bul jaıynda Májilis depýtattarynyń saýalyna Premer-Mınıstr Oljas Bektenovtiń jaýabynda aıtylǵan.

Úkimet basshysynyń atap ótýinshe, atalǵan ýchaskelerde barlaý jumystarynyń qorshaǵan ortaǵa áseri týraly qoǵamdyq tyńdaýlar tórt ret (Taısoıǵan aýyldyq okrýginde – aǵymdaǵy jylǵy 19 maýsym, Mııaly aýyldyq okrýginde – 20 maýsym, Muqyr aýyldyq okrýginde – 24 maýsym jáne 4 qazan) ótkizildi. Oǵan 400-den astam jergilikti turǵyn men qoǵamdyq belsendiler qatysty. Sonymen qatar bıyl 25 shildede óńirdiń qoǵamdyq birlestikteriniń ókilderi men oblystyq máslıhat depýtattarynyń qatysýymen dóńgelek ústel uıymdastyryldy. 

- Qorshaǵan ortaǵa áser etýdiń perspektıvalary týraly esep oblystyq Ekologııa departamentiniń Saraptamalyq keńesinde de tyńdaldy. Qoǵamdyq tyńdaýlardyń, dóńgelek ústeldiń jáne esepti tyńdaýdyń qorytyndysy boıynsha osy jobany qoldaý týraly sheshim qabyldandy. Osy jylǵy 14 jáne 19 tamyzda geologııalyq barlaý jobalary boıynsha oń qorytyndylar usynylyp, 13 qarashada ýákiletti organ izdeý uńǵymalaryn burǵylaýǵa ekologııalyq ruqsat berdi, - dedi Oljas Bektenov jaýabynda.

6 kompanııaǵa kómirsýtekter boıynsha jer qoınaýyn paıdalaný quqyǵy berilgeni týraly jazdyq.