Taısoıǵan men Qaraton-Sarqamys ken oryndaryna tolyq barlaý júrgiziledi

ATYRAÝ. QazAqparat -  «Embimunaıgaz» AQ munaıshylary  Taısoıǵan men Qaraton-Sarqamys ken oryndaryna  tolyq barlaý júrgizedi, barlyǵy 17 jańa barlaý uńǵymasy iske qosylady, dep habarlady «QazAqparat» HAA tilshisi.    

«Qazirgi ýaqytta balansta  41 ken orny bar. Qalǵan óndiriletin qorlar 72,8 mln tonnaǵa baǵalanýda. 40 paıyzǵa jýyǵy - óndirilýi kúrdeli, dástúrli emes, tutqyrlyǵy joǵary munaı. Oǵan qosa 2 mln tonna munaı konservilengen ken oryndarynda ornalasqan. Basqasha aıtqanda, kompanııanyń naqty óndiriletin qory - 40 mln tonna», - dep habarlady «Embimunaıgaz» AQ basqarmasynyń tóraǵasy Ánýar Jaqsybekov.

Á. Jaqsybekovtiń aıtýynsha, resýrstyq bazany azaıtý kompanııa aldyna   jańa ken oryndaryn izdeý, jumys istep turǵanyn tolyq barlaý  mindetin qoıady.

 «Osy jyly «Embimunaıgaz» AQ 15 jańa barlaý uńǵymasyn iske qosýdy josparlaýda. Onyń ishinde perspektıvasy joǵary Taısoıǵan jáne Qaraton-Sarqamys qurylymdary bar», - dep habarlady Á. Jaqsybekov.