Taısonnyń burynǵy bapkeri: Golovkın-Djeıkobs revanshyn boljady
ASTANA. QazAqparat - Maık Taısonyń burynǵy bapkeri Baddı Makgırt Behind The Gloves basylymyna bergen suhbatynda qazaqstandyq boksshy Gennadıı Golovkınniń (37-0, 33 KO) amerıkalyq Denıel Djeıkobspen (32-2, 29 KO) bolǵan jekpe-jegine qatysty pikir bildirdi, dep habarlaıdy Sports.kz.
Eske sala ketsek, 19 naýryz kúni Nıý-Iorktegi Madison Square Garden arenasynda Golovkın tóreshiler sheshimimen Djeıkobstan basym túsken edi.
«Menińshe, Djeıkobs Golovkınniń naǵyz bet-beınesin aıqyndap berdi. Bul aıqastan barlyǵy nokaýt kútti, biraq ol bolmady. Dennı bokstasa alatynyn jáne soqqyǵa tózimdi ekenin kórsete aldy. Revansh bolsa bári basqasha bolady», - dedi Makgırt.
