Taısonnyń bapkeri: Bul joly «Kanelo» Golovkındi ońaı jeńedi
ASTANA. QazAqparat - Ataqty boksshy Maık Taısonnyń bapkerleriniń biri Teddı Atlas 5 mamyrda ótetin Golovkın - Alvares jekpe-jegine qatysty boljamdy pikirimen bólisti, dep habarlaıdy «QazAqparat» HAA boxingscene.com saıtyna silteme jasap.
«Meniń oıymsha, Golovkın «taıǵanaqtap» barady. Men buryn ony adamdardyń asyra baǵalaıtynyn aıtqanym bar edi. Ol orta salmaqtaǵy 35, 36 jáne 37 jastaǵy boksshylardan ústem tústi. Golovkınniń ol aıqasty da (Golovkın men Kanelonyń alǵashqy kezdesýi - avt.) jeńgenin anyq bilemin», - deıdi ol SiriusXM Radio-ǵa bergen suhbatynda.
Dese de, búgingi tańda reseılik Aleksandr Povetkındi jattyqtyryp júrgen bapker bul joly Saýl Alvarestiń basym túsetinine senimi zor.
«Al qarymta kezdesýde men basymdyqty Kaneloǵa berer edim. Sebebi, Golovkınniń kúmánsiz alqashqydaı aıbaty joq. Kanelonyń ósetindeı áleýeti bar. Onyń jasy kishi. Ol senimnen shyǵyp otyr. Sondaı-aq, Alvares shabýyldaý turǵysynan alǵashqydan góri belsendi baǵytty ustanady. Meniń oıymsha, ol bul aıqasta Alvares ońaı jeńedi», - deıdi Atlas.
Eske sala ketsek, qazaqstandyq boksshy Gennadıı Golovkın men meksıkalyq Saýl Alvares 5 mamyr kúni kezdesetin boldy. Aıqastyń qaı jerde ótetini áli belgilengen joq.
