Taıson ómir boıy bas bostandyǵynan aıyryldy
ASTANA. 30 naýryz. QazAqparat - 17 jasar Florıda turǵynyn brıtandyq eki týrısti óltirgeni úshin ómir boıy bas bastandyǵynan aıyrdy,
dep habarlaıdy Associated Press . Shon Taıson esimdi bozbalany AQSh soty birinshi dárejeli kisi óltirý boıynsha aıypty dep tapty.
Sot ony ólim jazasyna kespek bolǵan eken, alaıda qylmysker kámelettik jasqa tolmaǵandyqtan, ómir boıy bas bostandyǵynan aıyrýǵa týra kelgen kórinedi.
Esterińizge sala keteıik, 2011 jyldyń 16 sáýirinde 25 jasar Djeıms Kýper jáne 24 jasar Tomas Kýzarıs degen eki brıtandyq týrıst Florıda shtatynyń Sarasota qalasynda atyp óltirilgen bolatyn. Quqyq qorǵaý oryndarynyń málimeti boıynsha, olar ishimdik iship alyp, adasyp ketken. Sóıtip qaladaǵy kedeı aýdandardyń birine tap bolyp, Taıson turatyn turǵyn úıge kirgen.
Bóten adamdardy kórgen jetkinshek ońaı oljaǵa batý nıetimen, olardy tonamaq bolady. Alaıda brıtandyqtarda kók tıyn da bolmaı shyǵady. Al qylmysker olardy atyp tastaıdy. Bul týraly sotqa kýágerler málimdegen. Olardyń sózinshe, máseleniń mán-jaıyn Taısonnyń ózi aıtyp bergen kórinedi.
Degenmen de, Reuters -tiń habarlaýynsha, qylmyskerdiń qorǵaýshylary Taısonnyń eki týrısti atyp jatqan sátin eshkim de kórmegen bolyp shyqty. Sonymen qatar, eki brıtandyq óltirilgen tapansha da osy kúnge deıin tabylmaǵan.
