Taıson Fıýrı Klıchkodan tartyp alǵan IBF tıtýlynan aıyryldy
ASTANA. QazAqparat - Brıtandyq boksshy Taıson Fıýrı HBF (IBF) tujyrymy boıynsha álem chempıony tıtýlynan aıyryldy. Bul týraly IBF boıynsha chempıondyq aıqastardy ótkizý komıtetiniń tóraǵasy Lındsı Taker málimdedi, dep habarlaıdy BBC.
«Fıýrı IBF tıtýlyna úmitker Vıacheslav Glazkovpen jekpe-jek ótkizýi tıis bolatyn, alaıda onyń ornyna boksshy Vladımır Klıchkomen qaıta aıqasýǵa kelisken», - dep túsindirdi Federatsııa sheshimin Taker.
27 jastaǵy Fıýrı IBF tujyrymy boıynsha chempıon atanǵanyna eki apta ǵana bolǵany atap ótiledi. 6 jeltoqsanda Fıýrı sportshylar arasyndaǵy qarymta kezdesýde ýkraındyq boksshyny tas-talqan etetinin málimdedi. 2 jeltoqsanda Klıchko kelisimsharttaǵy optsııany paıdalanyp, 2016 jyly Fıýrıge qarsy qarymta kezdesý ótkizetinin aıtqan bolatyn. Jekpe-jek mamyr nemese maýsymda ótýi múmkin. Fıýrı 29 qarashaǵa qaraǵan túni Klıchkodan basym túsip, IBF, IBO, WBO jáne WBA tujyrymdary boıynsha álem chempıony tıtýldaryn enshilegen edi.
