Taıs Tompson «Barys» quramyn tolyqtyrdy

ASTANA. KAZINFORM — «Barys» hokkeı klýby AQSh-tan kelgen shabýylshy Taıs Tompsonmen birjaqty kelisimshartqa qol qoıdy.

Bul jóninde komandanyń baspasóz qyzmeti málim etti.

Kelisim bir maýsymǵa eseptelip, 2026 jyldyń 31 mamyryna deıin kúshinde bolady.

Tompsondy 2019 jyly UHL draftynda «Nıý-Djersı» tańdaǵan. Óziniń kásibı mansabynyń basym bóligin ol AHL-de ótkizdi. Ótken maýsymda Taıs «Brıdjport» quramynda óner kórsetip, 65 oıynda 21 (8+13) upaı jınady.

Aıta ketsek, budan buryn elordalyq klýbpen AQSh hokkeıshileri Ien Makkosh, Maıkl Vekkone, Raılı Ýolsh, kanadalyq Djeık Massı, reseılik ıÝrıı Paýtov, Vladımır Volkov, Emıl Galımov, qazaqstandyq Kırıll Panıýkov, Kırıllom Savıtskıı, Batyrlan Muratov, Roman Starchenkomen kelisimshartqa qol qoıdy.

Qazaqstandyq klýb Qurlyqtyq hokkeı lıgasyndaǵy jańa maýsymda alǵashqy úsh oıyndy elordada ótkizedi. Aldymen 7 qyrkúıekte Reseıdiń «Traktor» (Chelıabınsk) komandasymen kezdesse, odan keıin 9 qyrkúıekte «Amýr» (Habarovsk), 13 qyrkúıekte Belarýstiń «Dınamo» (Mınsk) klýbtarymen sheberlik baıqasady.