Taıms-Skverde Dımash Qudaıbergenniń kompozıtsııasyn qoldaıtyn vıdeorolıkter kórsetilýde

ASTANA. QazAqparat – Nıý-Iork Taıms-Skverindegi eń úlken ári álemge tanymal LED-ekrannyń birinde kesheden beri Dımash Qudaıbergenniń taıaýda jaryq kórgen «Omir» mýzykalyq klıpin jáne onyń aldaǵy ýaqytta Malaızııada ótetin jeke kontsertin qoldaýǵa arnalǵan vıdeorolıkter kórsetilip jatyr, dep habarlaıdy QazAqparat tilshisi.

Dimashnews.com. saıtynyń málimetinshe, úsh vıdeorolık translatsııasyn qazaq ánshisiniń resmı fan-klýby uıymdastyrǵan. Vıdeorolıkter táýlik boıy ár 20 mınýt saıyn LED-ekranda kórsetiledi.

Esterińizge sala ketsek, Dımash Qudaıbergenniń Malaızııa astanasy Kýala-Lýmpýrdegi birinshi jeke kontserti 24 maýsym kúni ótedi.

Buǵan deıin Dımash Qudaıbergen «Omir» dep atalatyn jańa mýzykalyq klıpyn usynǵan bolatyn. Ánshi óner týyndysyn jankúıerlerine arnady.