Taılandtyń ońtústiginde 15 jarylys boldy
BANGKOK. Taılandtyń ońtústigindegi Satýn jáne Phattalýng provıntsııalarynda birneshe ret jarylys boldy. Jeksenbi kúni The Nation basylymy atalǵan oqıǵadan zardap shekkenderdiń joq ekenin habarlady, dep jazady TASS agenttigi.
Polıtsııanyń málimetteri boıynsha, Phattalýng provıntsııasynda 11 jarylys boldy. Satýnda polıtsııa bólimshesiniń janynda eki jarylys jáne azyq-túlik dúkeniniń mańynda taǵy eki jarylys boldy. Tártip saqshylary benekameralardaǵy túsirilimderdi tekserip, odan mototsıkl mingen eki kúdiktini anyqtady. Quqyq qorǵaý organy ókilderiniń málimetinshe, mototsıkl kórshiles Songhla provıntsııasynan urlanǵan.
Bangkok Post basylymynyń habarlaýynsha, Phattalýng provıntsııasynda da 3 qoldan jasalǵan bomba tabylǵan. Ony keshirek saperlar zalalsyzdandyryp, qaýipsizdik qyzmetkerleri bombalardy joıyp jibergen.
Basylym taratqan málimetter boıynsha, jarylystyń saldarynan keıbir ǵımarattarǵa zaqym kelgen. Alaıda, tártip saqshylary jarylystardyń kimder uıymdastyrýy múkin ekendigin aıtpaı otyr. Degenmen olar oqıǵaǵa Taılandyń musylmandar mekendeıtin ońtústiginde 10 jyldan astam ýaqyttan beri áreket etip kele jatqan qarýly qurylymdardyń qatysy bolýy múmkindigin joqqy shyǵarmaıdy.
Satýn men Phattalýng osyǵan deıin mamyrajaı, beıbit aımaqtardyń biri sanalyp kelgen. Sebebi jarylystardyń kópshiligi Pattanı, ıAla jáne Narathıvat sııaqty kórshiles aımaqtardy bolatyn. Separatıster atalǵan provıntsııalardyń aımaǵynda derbes sultandyqtyń bolýyn qalaıdy. Qaqtyǵystardyń saldarynan óńirde bolǵan atys-shabystan 6,8 myń adam qaıtys bolǵan.
