Taılandtaǵy týrıstik qyzmet kórsetý oryndary qalypta jaǵdaıda jumys jasaýda
ALMATY. Sáýirdiń 17-ci. QazAqparat /Erlik Erjanuly/ - Taılandtyń týrızm basqarmasy Bangkokta sáýirdiń 10-ynda oryn alǵan jáıtter eldegi týrıstik qyzmettiń qalypty jaǵdaıda jumys isteýine kedergi bola almaǵany týraly baspsóz málimdemesin taratty,
dep habarlaıdy QazAqparat.
Taılandtaǵy tártipsizdikter naýryzdyń orta sheninde bastalǵan edi. Burynǵy premer-mınıstr Taksın Chınavattyń jaqtastary Aphısıt Vetchachıva úkimetin taratyp, jańa parlamenttik saılaý ótkizýdi talap etken bolatyn. Narazylyq shıelesine bastaǵan soń, sáýirdiń 7-sinde úkimet basshysy tótenshe jaǵdaıdyń jarııalanǵanyn málimdedi. Al sáýirdiń 10-ynda "Demokratııa dıktatýraǵa qarsy" birikken maıdan men Taıland úkimetiniń arasyndaǵy shıelenis ýshyǵyp, qaqtyǵystar oryn aldy. Taılandtyń týrızm basqarmasy dırektorynyń orynbasary Pattaraanon Na Chıangmaıdyń sózine qaraǵanda, ol eldiń birneshe aýdanynda ǵana oryn alǵan. Sondaı-aq eshqandaı sheteldik azamattarǵa nemese saıahatshylarǵa baǵyttalmaǵan. Týrıstik belsendilik eldiń ózge aýdandarynda ádettegi júıede jumys jasap jatyr. Ony Pattaraanon Na Chıangmaı endi sáýirdiń 20-sy kúni Almatyda ótetin resmı baspasóz máslıhatynda arnaıy málimdemek.
