Taılandtaǵy qazaqstandyqtyń qaza tabýynyń sebebi anyqtaldy
ASTANA. QazAqparat - Taıland polıtsııasynyń málimdemesine sáıkes, qazaqstandyq Temiráli Rysqulov jazataıym oqıǵadan mert bolǵan. Bul týraly QR SІM baspasóz qyzmetiniń jetekshisi Ánýar Jaınaqov aıtty, dep habarlaıdy QazAqparat tilshisi.
«Polıtsııa deregine sáıkes, Taılandta besinshi qabattan qulaǵan qazaqstandyq Temiráli Rysqulov jazataıym oqıǵadan kóz jumǵan. Polıtsııa óz-ózin qol jumsaý nusqasyn da qarastyrǵan edi, alaıda marqumnyń týystarynyń aıtýynsha, ózin-ózi óltirýge esh negiz bolmaǵan. Er adamnyń máıitin beısenbi kúni Qazaqstanǵa jetkizedi. Tasymaldaý shyǵynyn Rysqulovtyń týystary tóledi», - dedi Jaınaqov.
Eske sala ketsek, 14 jeltoqsan kúni Phýket qonaq úıiniń 5-qabatynan sekirip ketken qazaqstandyq týrıst Patonga gospıtalinde kóz jumdy. Ol 5 jeltoqsan kúni Taılandqa týrıst retinde jalǵyz ózi kelgen.
