Taılandtaǵy avıashoýda joıǵysh ushaq apatqa ushyrady

ASTANA. QazAqparat - Ulttyq balalar kúnin merekeleý kezindegi avıashoýda Taıland áýe qarýly kúshteriniń JAS 39 Gripen joıǵysh ushaǵy apatqa ushyrap, ushqysh qaza tapty. 

Bul týraly Bangkok Post habarlaıdy.

Oqıǵa jergilikti ýaqytpen saǵat 09:27-de Songkhla provıntsııasy, Hatıaı qalasynda bolǵan. Joıǵysh ushaq qulaǵan sátte jarylyp, tolyqtaı janyp ketken.

Ushý-qoný jolaǵyn tazartý úshin jergilikti áýejaı ýaqytsha jabyldy, barlyq ushaqtar basqa áýe aılaǵyna baǵyttaldy, dep habarlady jergilikti BAQ.

Áýe qarýly kúshteriniń qolbasshylyǵy TJ tergeý úshin komıssııa qurdy. Taılandtyń premer-mınıstri Praıýt Chan-Ocha qaza tapqan ushqyshtyń otbasyna kóńil aıtty.