Taılandta jaýyn-shashyn mıllıondaǵan adamdy baspanasyz qaldyrdy
ASTANA. QazAqparat - Taılandta sý tasqynynan zardap shekkenderge kómek jınaýda. Mıllıonnan astam turǵyn baspanadan aıyrylsa, tórt myńnan astam eldi meken sý astynda qaldy. 19 adam qaza tapty.
Ádette jańa jyl kezeńinde Taılandta kún shyǵyp, qurǵaq aýa raıy bolýshy edi. Osy joly koroldiktiń ońtústiginde bir apta tolassyz jaýyn jaýdy.
Taılyq 10 provıntsııada sý basqan úılerden mıllıonǵa jýyq adam evakýatsııalandy.
Birqatar qalalarda kommýnıkatsııa tolyqtaı zaqymdandy. Kóshede qaıyqpen jáne salmen júrýge ǵana múmkindik bar. Zardap shekkenderdi avarııalyq-qutqarý qyzmetteri men áskerler evakýatsııa ortalyǵyna ákelýde. Al ákete almaǵan adamdarǵa tikushaqpen taǵam, sý jetkizilýde. Jaǵdaıdy eldiń premeri baqylaýyna aldy.
