Taılandta jataqhana órtenip 17 adam qaza tapty
ASTANA. QazAqparat - Taılandtyń ońtústiginde Chıangraı provıntsııasynda mektep jataqhanasynan órt shyǵyp, 17 adam qaza tapty, bes adam jaralandy, taǵy eki adam tabylmaı jatyr. Bul týraly reseılik TASS agenttigi jergilikti polıtsııaǵa silteme jasaı otyryp habarlady.
Jeksenbi keshke jataqhana ǵımaraty órtke oranǵan. «Іshte 5-12 jas aralyǵyndaǵy 38 oqýshy bolǵan», - dep habarlady quqyq qorǵaý organdary. Jataqhana qyzmetkerleri men qutqarýshylar jalyndaǵan órtten birneshe qyz balany ǵana aman shyǵaryp úlgergen. Qalǵandaryn evakýatsııalaý múmkin bolmady.
