Taılandta jaǵajaı voleıbolynan SWATCH FIVB Álemdik týrynyń Phýket oýpen kezeńi bastaldy
ALMATY. 3 qarasha. QazAqparat /Erlik Erjanuly/ -Búgin Taılandtyń Phýket aralynda jaǵajaı voleıbolynan SWATCH FIVB Álemdik týrynyń Pýket oýpen kezeńdik saıysy bastaldy. Jarystyń júlde qory 190 myń AQSh dollaryn quraıdy.
QR Voleıbol federatsııasynyń málimetine qaraǵanda, Tatıana Mashkova men Irına Tsımbalova juby irikteý synyn sátti ótkizdi. Ýkraına men Polsha elinen kelgen qurdastaryn 2:1 esebimen utqan olar endi erteńgi negizgi kestede jarysty odan ary jalǵastyrýǵa múmkindik aldy. Al Marına Pılıapenko men Baqtygúl Samalıkova avstrııalyqtar qarsylastaryn 2:1 esebimen utqanymen, ulybrıtanııalyqtardan oısyraı utyldy (0:2). Sondaı-aq irikteý kezeńindegi kezdesýdiń bireýinde basym túskenmen, ekinshisinde jeńilis tapqan Inna Rahmatýlına men Lıýdmıla Isaeva, Oksana Pılıpenko men Aleksandra Varasova da jarys jolynan erte shyǵyp qaldy.
