Taılandta úsh qazaq boksshysy jartylaı fınalǵa shyqty
ASTANA. QazAqparat - Bokstan Bangkokta «Korol Kýbogy» úshin ótip jatqan halyqaralyq týrnırde úsh jerlesimiz jartylaı fınalǵa shyqty, dep habarlaıdy QazAqparat tilshisi.
Taıland tórindegi dodaǵa elimizdiń atynan jeti boksshy attanǵan edi. Keshe shırek fınaldaǵy kezdesýler ótip, onyń úsheýi jartylaı fınalǵa shyqty.
52 kelige deıingi salmaqta Azat Mahmetov aýstralııalyq boksshy Djek Boýendi utsa, 69 kelige deıingi salmaqta Sadrıddın Ahmedov sharshy alań ıesi Saesıta Apıchetany jeńdi. Ulttyq qurama sapynda úshinshi bolyp jartylaı fınalǵa Erik Áljanov (75 keli) joldama aldy. Ol da shırek fınalda taılandtyq boksshy Fromtaı Nattanfondy basym tústi.
Jartylaı fınalǵa shyqqan úsh boksshymyz kezekti jekpe-jekke búgin shyǵady.
Qarsylastary:
52 kelige deıingi salmaqta - Azat Mahmetov - Zaldıvar Santısteba Frank (Kýba);
69 kelige deıingi salmaqta - Sadrıddın Ahmedov - Joel Baho (Fılıppın);
75 kelige deıingi salmaqta - Erik Áljanov - Iglesıas Estrada Osleı (Kýba).
