Taılandta týrısterge túrmedegilermen jekpe-jekke shyǵýdy usynady
ASTANA. QazAqparat - Taılandta erekshe shara uıymdastyrylatyn boldy. Endi kez kelgen adam jergilikti túrmede otyrǵandarmen rıngke shyǵyp kúsh synasa alady.
Bul úshin jylyna birneshe ret túrmelerdiń birinde arnaıy týrnır ótkiziledi, dep habarlaıdy RBK.
Jarys arnaıy qaıyrymdylyq aktsııasy aıasynda uıymdastyrylady.Sportpen shuǵyldanyp jáne bostandyqta júrgen adamdarmen jaqyn aralasýdyń arqasynda temir tordyń ar jaǵynda júrgender qalypty ómirge beıimdelmek. Bul básekege áıelder de qatysa alady. Aıta keter jaıt, rıngke buryn jekpe-jek ónerimen shuǵyldanǵandar ǵana jiberiledi. Al jergilikti bılik qonaqtardy jeńgen sottalýshynyń jazasyn óteý merzimin qysqartýǵa ýáde berip otyr.
