Taılandta taksı júrgizýshisi jolaýshyǵa kólikte umyt qaldyrǵan 20 myń dollaryn qaıtardy
ASTANA. QazAqparat - Taılyq Nakhonratchasıma provıntsııasynan 62 jastaǵy taksı júrgizýshisi Vımol Trıpat kólik salonynda umyt qaldyrǵan 20 myń dollaryn klıentke qaıtaryp berdi, dep habarlady jergilikti BAQ.
Devıd Kollınson aqshany jubaıyna berý úshin Avstralııadan Bangkokqa ushyp kelgen. Ol áýejaıdan Mor Chıt avtovokzalyna deıin jetkizý úshin mıster Trıpatty jarty kúnge jaldaǵan. Avstralııalyq úıine jetken kezde ol konvertpen aqshany kólikte umytyp ketkenin bir-aq bilgen.
Adal júrgizýshiniń aıtýynsha, Kollınsonnan keıin ol taǵy bir klıent tasyǵan. Kóligin teksergende, sol jaq oryndyqtan aqshany kórgen ol birden ıesine qaıtarýǵa asyqqan.
Taksı júrgizýshiniń adaldyǵyna tańdanǵan Devıd oǵan shaǵyn syılyq jasady, dep jazady life.ru.
Foto: © RIA Novostı/Vladımır Sergeev
