Taılandta shatqaldan avtobýs qulady: 21 adam opat boldy
ASTANA. 24 qazan. QazAqparat - Taılandtyń soltústiginde býdda dindarlary mingen avtobýs apatynyń saldarynan kem degende 21 adam mert boldy, 19 adam zardap shekti.
Bul týraly Lampang provıntsııanyń polıtsııasy habarlady. Apat sársenbi kúni oryn aldy. Osyǵan deıin 17 adam qaza tapty dep habarlanǵan bolatyn.
Quqyq qorǵaý organdarynyń málimeti boıynsha, avtobýs taýǵa burylatyn kúrt jolda qorshaýǵa soǵylyp, tereńdigi 50 metrlik shatqalǵa qulaǵan. Aldyn ala málimetter boıynsha, kóliktiń tejegishi istemeı qalǵan. Qutqarýshylarǵa avtobýstan adamdardy alyp shyǵý úshin kóp ýaqyt qajet boldy.
Polıtseılerdiń aıtýyna qaraǵanda, ajal qushqandar - Chıangmaı provıntsııasynyń dindar áıelderi. Bul kúni olar uıymdasyp Chıangraı provıntsııasyna jaqyn hramǵa bara jatqan.
