Taılandta reseılik týrıster mingen kater quzǵa soǵylyp, 1 adam mert boldy

Taılandtyń Maıton araly mańynda týrıster mingen kater quzǵa soǵylyp, 1 Reseı azamaty mert boldy, taǵy birqatary túrli dárejede jaraqat aldy.  Bul týraly Reseıdiń Phýkettegi Bas konsýly Vladımır  Sosnov málim etti, dep habarlaıdy Kazinform  reseılik TASS agenttigine silteme jasap.  

«Jergilikti ýaqyt boıynsha shamamen saǵat 15:00 kezinde Maıton araly mańynda týrıster mingen kater quzǵa soǵyldy. Reseılik bir áıel mert bolyp, taǵy birnesheýi túrli dene jaraqattarymen aýrýhanaǵa jetkizildi»,-dedi ol.

Qansha adamnyń zardap shekkeni naqtylanyp jatyr. 

Maıton araly Phýketten 9 km qashyqtyqta jatyr. Ol jaǵalaýdaǵy aq qumy men koral rıfterimen tartymdy. Onda Phýkette demalyp jatqan týrıster úshin kúnde sapar uıymdastyrylady.