Taılandta parlament saılaýynda oppozıtsııalyq partııa jeńiske jetip, sensatsııa jasady

BANGKOK. QazAqparat – Taılandta bolǵan parlament saılaýynda el ınstıtýttarynyń túbegeıli ózgerýin qalaıtyn «Alǵa qozǵalamyz» oppozıtsııalyq partııasy jeńiske jetip, sensatsııa jasady, dep habarlaıdy QazAqparat BBC News-ke silteme jasap.

Saılaýdyń alǵashqy nátıjeleri boıynsha «Alǵa qozǵalamyz» partııasy boljamnyń bárinen asyp túsip, Taıland parlamentiniń tómengi palatasyndaǵy 500 orynnyń 151-ne ıe boldy. Bul burynǵy premer-mınıstr Taksın Chınavatranyń qyzy basqaratyn Pheu Thai partııasynan 10 orynǵa kóp.

BBC News aqparaty boıynsha, basqarýshy odaq orynnyń tek 15%-yn ıelengen. Taıland áleýmettik jelileri partııanyń jeńisin «ózgerister kezeńi», «jańa dáýirdiń bastaýy» dep sıpattap jatyr. «Alǵa qozǵalamyz» partııasynyń 42 jastaǵy kóshbasshysy, Garvard ýnıversıtetiniń túlegi Pıta Lımdjaroenrat Twitter-de eldiń 30-shy premer-mınıstri bolýǵa «daıyn» ekenin jazdy.

«Bizdiń armanymyz ben úmitimiz bir. Bizdiń Taılandymyz budan da jaqsy bolatynyna senemiz. Eger búgin jumys istesek bárin ózgertýge bolady», - dep jazdy ol.

14 mamyrda ótken parlament saılaýynda 38,5 mln adam daýys bergen.